Answer:
Paksa: Epekto ng social media sa kabataan ngayong may pandemiya
Napakalaking epekto ng social media sa buhay ng mga kabataan ng magsimula ang pandemiya. Marami ang gumugol ng maraming oras dito para makapaglibang at makausap ang mga kaibigan nila. Nag-iba bigla ang mundo ng ilan kung saan mayroong mga nalulungkot at nadedepres sa nangyaring ito kung saan social media ang nagsilbing pampalipas oras sa maghapon. Nagsilbing pantulong rin ito para makausap muli ang mga kapamilya at kaibigan na malayo sa kanila. Gayundin, dahil nag-oonline class na ang mga kabataan sa ngayon, nakatulong rin ang social media sa kanila sa paraan ng pakikipagkomunikasyon sa mga guro at kaklase upang makapagsagot ng mga takdang aralin. Paraan rin ito para magtulungan ang bawat isa sa isang subject at magkaisa para maglaan ng panahon hinggil dito.
Pero masasabing may masasamng epekto rin ito sa buhay ng ilang tao. Ang iba ay maaaring wala ng panahon sa kanilang pamilya, napupuyat, at magdulot ng negatibong epekto sa kalusugan na dala ng radiation sa ating mga cellphone. Kaya ang pagbababad sa social media ay hindi nakakatulong bagkus kailangan natin maglaan ng limitasyon upang makagawa ng ibang bagay na mas mahalaga. Malaki ang impluwensiya talaga ng social media sa kabataan dahil marami silang nababasa dito, nakikitang advertisement, makapagsabi ng opinyon at saloobin na makakapagbago sa pananaw ng isa.
Kaya mahalaga na gamitin natin ang social media sa tamang paraan. Huwag sayangin ang oras mo dito. Gugulin ang panahon at oras mo sa mga bagay na tutulong mismo sa sarili mo at maging sa kalusugan mo. Humanap pa ng maaaring paglibangan. Tandaan na huwag mong hayaan na malamon o kaya makontrol ng social media ang buhay mo.
Explanation:}
