Ang pagkakaroon ng pananampalataya o faith ay isang mahalagang katangian sa buhay ng isang tao. Hindi natin ito taglay pagkasilang kundi ito ay katangian na nililinang sa paglipas ng panahon. Mababasa sa aklat ng Hebreo 11:1 ang kahulugan ng pananampalataya bilang "mapananaligang paghihintay sa mga bagay na inaasahan, ang malinaw na pagtatanghal ng mga katunayan bagaman hindi nakikita." Kaya naman ang pananampalataya ang saligan ng ating pag-asa at pananalig sa di-nakikitang mga katunayan na nakasulat sa Bibliya. Sa aklat ng Roman 10:17 idinidiin na "ang pananampalataya ay kasunod ng bagay na narinig", mga bagay na ating natutunan mula sa pag-aaral ng Bibliya na nagpapatibay ng pananampalataya.
