Hindi po. Madalas mang ituring na pareho ng kahulugan ang dalawang salitang ito, ang tunay na kahulugan at konsepto nito ay magkaibang magkaiba. Ang propesyon ay kadalasanang naiuugnay sa trabaho na pinagkukunan ng sweldo upang matugunan ang mga personal at pangangailangan ng pamilya. Kadalasan, pinaglalaanan ito ng mahabang panahon upang maging dalubhasa sa larangang ito. Ang ilan sa mga halimbawa ng propesyon ay doktor, pulis, artiketko, guro, at iba pa. Ang mga trabahong nangangailangan ng abilidad at kakayahang hinasa ng paaralan ay tinatawag nating propesyon. Dahil din sa naging pagsasanay na pinagdaan mo sa paaralan, nagkakaroon ng pagkakaiba-iba ang sweldo depende sa propesyong iyong kinuha. Mas malaki ang sweldo ng mga doktor dahil mas matagal ang panahon ng kanilang inilaan sa pag-aaral kumpara sa ibang propesyon. Subalit, ang propesyon ay nagiging bokasyon kung ang isang tao ay nagkaroon ng ibang dahilan at rason kung bakit siya naglilingkod para sa iba, liban sa sweldong maaaring makuha. Ang bokasyon ay personal mong udyok na kahit na mababa o walang kapalit na halaga ay gagawin mo parin ang mga kakayahang pinag-aralan mo upang makatulong sa iba.
