Answer:
Si Haring Felipe II ng Espanya o Felipe II (21 Mayo 1527 – 13 Setyembre 1598) ay ang unang opisyal na Hari ng Espanya mula 1556 hanggang 1598, hari ng Napoli at Sicilia mula 1554 hanggang 1558, Hari ng Inglatera (kasamang rehente ni Maria I) mula 1554 hanggang 1558, Hari ng Portugal at Algarves (bilang Felipe I) mula 1580 hanggang 1598 at Hari ng Chile mula 1554 hanggang 1556.
Malaki ang naiambag ng haring Felipe II sa kasaysayan ng Inglatera sa panahon ng mga Tudoros. Si haring Felipe II debusyonadong Katoliko at asawa ni Maria I ng Inglatera. Nang mamatay ang kanyang asawang si Maria I, naging mortal itong kaaway ni Reyna Elizabeth I ng Inglatera, isang debusyonadang Protestante. Isang tanyag at makapangyarihang hari si Felipe II ng Espanya, katunayan hindi lamang ang lupain ng bansang Espanya ang kanyang nasasakupan, kundi pati na rin ang iba't ibang parte ng Europa. Nabibilang dito ang Pilipinas sa Asya sa kanyang mga lupaing nasakop.
