A. Basahin ang seleksyon at sagutin ang mga tanong Epekto ng kakulangan sa Pagtulog Napakasarap matulog lalo na kung ikaw ay pagod at madaming ginawa. Kapag ikaw ay bata pa, halos ayaw mong matulog sa hapon dahil hindi ka makapaglaro at makapaglibang. Naiinis ka kapag pinapatulog ka ng iyong ina. Kapag ikaw ay malaki na, gustong gusto mong matulog ngunit hindi mo magawa dahil sa mga trabahong nakaatang sa iyo. Maraming tao ang gustong matulog at magpahinga. May mga tao naman na kayang magpuyat mapanood lamang ang nais nilang palabas. Ang iba ay napupuyat kalalaro ng mga mobile games at ang iba naman ay dahil sa kakagamit ng social media. Ano nga ba ang masamang epekto ng kakulangan sa pagtulog? Narito ang ilan: 1. Nababawasan ang pagiging aktibo at maayos na pag-iisip
2. Madaling dapuan ng sakit
3. Humihina ang memorya
4. Hindi masigla sa mga gawain
5. Mabilis mapagod
6. Madaling magutom ang kulang sa tulog kaya napaparami ang kain Kaya nararapat lamang na maging sapat ang tulog ng isang tao upang maging malakas at alerto
Tanong:
1.Tungkol saan ang seleksyon?
2.Bakit ayaw ng mga bata ang natutulog?
3.Ano ang dahilan bakit hindi nakakatulog ang mga kabataan?
4.Ano ang gagawin mo upang maging mahaba ang iyong tulog?
5.May masama bang epekto ang kakulangan sa pagtulog sa pag-aaral? Ano-ano sa palagay mo?
6-9.Ano ano ang epekto ng kakulangan sa tulog 10.Bakit kailangan ng isang tao ang may sapat na tulog?​