Answer:
Ano ang pang-uri?
Ang pang-uri ay bahagi ng pananalita na nagbibigay deskripsyon o turing sa ngalan ng tao, bagay, hayop, pangyayari, lugar, kilos, oras, at iba pa. Kadalasan, ginagamit ito upang mas bigyang linaw ang isang pangngalan.
Explanation:
Halimbawa ng Pang-uri:
Maganda
Bilog
Pulang-pula
Ningas-kugon
Mataas
Araw-araw
Seryoso
Balat-sibuyas
Mapagbigay
Halimbawa ng Paggamit ng Pang-uri sa Pangungusap:
Maganda ang asawa ni Mang Tonyo kahit may edad na ito.
Hugis bilog ang dala niyang tinapay para sa mga bata.
Pulang-pula ang nabili na damit ni Theresa para sa kaarawan niya.
Talagang ningas-kugon si Dino kaya hindi umunlad ang pamumuhay nila.
Mataas ang gusali na ipinatayo malapit sa kanto.
Araw-araw umaalis si Dexter para magtrabaho sa bayan.
Seryoso si Juliet sa sinabi niya kaya hindi na umatras si Ive.
Huwag ka nang magtaka, talagang balat-sibuyas siya.
Mapagbigay talaga ang pamilya nina Josue at Roxanne kaya maraming biyaya ang dumarating sa kanila.
Kayarian ng Pang-uri
Bukod sa tanong na, “Ano ang pang-uri?”, kadalasan isa sa mga takdang-aralin ng mga bata ay ang kayarian ng pang-uri. Ang ganitong bahagi ng pananalita ay may apat na kayarian:
Payak
Maylapi
Inuulit
Tambalan
Para sa kahulugan at halimbawa ng bawat kayarian ng pang-uri, bisitahin: Kayarian ng Pang-uri
Bukod sa kayarian, ang pang-uri ay mayroon ding antas o kaantasan. May tatlong(3) antas ang ganitong bahagi ng pananalita – Lantay, Pahambing, at Pasukdol.
