PANG-URING PAMILANG
» Ito ay ang mga pang-uring tumutukoy sa dami o bilang ng pangngalan o panghalip ay tinatawag na pang-uring pamilang. Tatlo sa mga uri ng pang-uring pamilang ay ang patakaran, panunuran at pamahagi.
1. Patakaran
» Tinutukoy nito ang tiyak na bilang ng isang bagay.
Halimbawa:
- Limang libro ang dala ko ngayon.
- Labindalawang taong gulang na ako.
- May 40 mag-aaral sa aming klase.
2. Panunuran
» Tinutukoy nito ang ayos o pagkakasunod-sunod.
Halimbawa:
- Ako ang ikatlo sa pinakamatangkad sa aming klase.
- Ito ang unang pagkakataon kong makasakay sa eroplano.
- Ang isla Palawan ang ikalima sa pinakamalaking isla sa Pilipinas.
3. Pamahagi
» tinutukoy nito ang pagbabahagi ng isang kabuuan.
Halimbawa:
- Limampung porsiyento ng klase namin ang lalaki at ganoon din ang babae.
- Kalahating kilometro ang layo ng bahay ko sa paaralan.
- Nagtutulungan ang buong pamilya sa paglilinis ng bahay tuwing Sabado.
Sana makatulong ang aking kasagutan sa iyo!
#CarryOnLearning
