Ang pagbabagong iyong maaring isagawa tungo sa simbahang kinabibilangan ay ang pagsali ng iilan sa mga kinatawan ng simbahan sa mga usaping labas sa doktrina na kanilang sinusunod o dapat na sundin. Isa sa mga halimbawa nito ay ang usaping pangpamahalaan kung saan ilan sa mga kinatawan ng simbahan ay nanghihimasok sa pamamahala ng bansa.
Kung ating babalikan ang kasaysayan ng Pilipinas, ang simbahan ang isa sa mga itinuturing na makapangyarihang sektor ng lipunan. Ang mga kinatawan nito ay may nakapalaking impluwensiya sa pamamalakad ng komunidad at kalimitang nagreresulta sa dahas at paghihimagsik ng mga mamamayan.
Ang sektor ng pamahalaan at sektor ng simbahan ay may magkaibang paniniwala. Batas ang sinusunod ng mga nakapaloob sa pamahalaan, samantalang salita ng Diyos naman ang sa simbahan. Kapag ipinagpatuloy ng mga kasapi ng simbahan ang panghihimasok sa usapin ng pamahalaan at patuloy na idiin ang salita ng Diyos sa bawat miyembro ng lipunan, ang pagkakaisa ay magkakaroon ng lamat at magreresulta sa pagkakawatak-watak ng kaisipan, paniniwala, at ng mga gawa.
