Oras ng asignaturang Edukasyong Pantahanan at
Pangkabuhayan ng mga mag-aaral sa Ikaapat na Baitang.
Ganito ang sinabi ng guro.
“Mga mag-aaral, kayo ay tuturuan kong maghanda ng
tamang taniman ng gulay. Tuturuan ko rin kayo ng wastong

pagtatanim at pag-aalaga ng mga gulay, halaman, at punong-
kahoy. Kailangan nating magtanim upang mabuhay.”

Dinala ng guro sa halamanan ng paaralan ang mga bata.
Dito niya itinuro ang wastong pagbubungkal ng lupa at ang
paghahanda ng taniman. Binigyan din niya ng kani-kaniyang
lugar na bubungkalin ang bawat mag-aaral. Maayos na
nagsigawa ang mga mag-aaral. Sa hindi sinasadyang
pagkakataon ay nabagsakan ng asarol ang paa ni Efren.
Nagdugo ang paa nito. Agad namang dinala si Efren sa klinika
ng paaralan. Ginamot siya at pinayuhang umuwi at
magpahinga.
Hindi nakapasok ng ilang araw si Efren sapagkat namaga
ang kaniyang paa. Nang magaling na ang kaniyang sugat ay
saka pa lamang siya nakapasok sa paaralan. Ang halamanan
ang una niyang tinungo upang makita ito.
Pinagkunan: Filipino 4 Sagisag ng Lahi, Batayang Aklat sa Filipino-Pagbasa
Angelita L. Sta. Ana, pp.24-25.

19

A. Tukuyin ang elemento ng maikling kuwento. Isulat sa buong
pangungusap ang iyong sagot sa sagutang papel. Huwag
kalimutan ang wastong mga gabay sa pagsusulat.
1. Saan ang tagpuan ng kuwento?
2. Sino-sino ang mga tauhan sa kuwento?
3. Ano ang unang pangyayari sa kuwento?
4. Ano ang gitnang pangyayari sa kuwento?
5. Ano ang huling pangyayari sa kuwento?