Sagot :
Answer:
Paggalang
Ang paggalang ay nagsimula sa salitang Latin na “respectus” na ang ibig sabihin ay “paglingon o pagtinging muli,”. Ito ay naipapakita ang paggalang sa pamamagitan ng pagbibigay ng halaga sa isang tao o bagay. Ang pagkilala sa halaga ng tao o bagay ang nakapagpapatibay sa kahalagahan ng paggalang.
Mga Halimbawa ng Pagpapakita ng Paggalang sa mga Magulang
- Pagkilala sa mga hangganan o limitasyon bilang isang anak.
- Pagtupad sa kanilang itinakdang oras ng pag-uwi.
- Pagrespeto sa kanilang mga desisyon, kautusan, patakaran at alituntunin sa loob ng tahanan.
- Pagiging mapagmalasakit at mapagmahal sa mga magulang.
- Pagagamit ng "po" at "opo" sa tuwing nakikipag-usap sa mga magulang.
- Pagsunod sa kanilang mga ipinag-uutos.
- Pagiging mapagpakumbaba sa mga magulang kapag ikaw ang nagkakamali.
- Pagmamano o paghalik bago umalis at pagdating ng bahay.
Paraan ng Pagsasabuhay ng Paggalang na ginagabayan ng Katarungan at Pagmamahal
Panatilihin ang pagkakaunawaan, bukas na komunikasyon at pagkilala sa halaga ng pamilya at ng lipunang kinabibilangan.
Kilalanin ang kakayahan ng bawat tao na matuto, umunlad at magwasto sa kaniyang pagkakamali.
Pagtugon sa pangangailangan ng kapuwa, sa pamamagitan ng patuloy na pagtulong at paglilingkod sa kanila.
Laging isaalang-alang ang damdamin ng kapuwa sa pamamagitan ng maayos at marapat na pagsasalita at pagkilos.
Isaalang-alang ang pagiging bukod-tangi ng bawat tao sa pamamagitan ng pagpapakita ng angkop na paraan ng paggalang.
Suriing mabuti ang kalagayan o sitwasyon ng kapuwa upang makapagbigay ng angkop na tulong bilang pagtugon sa kanilang pangangailangan.
Bilang bahagi ng katarungan, ibigay sa kapuwa ang nararapat sa kanya at ang nararapat ay ang paggalang sa kanyang dignidad.
Sa pakikipag-usap sa kapwa, iwasan ang madaliang paghuhusga at pagbibitiw ng masasakit na salita.
Laging isisip ang kahalagahan ng tunay na paglilingkod sa kapwa na may kalakip na pagmamahal at pagpapatawad.
Kahalagahan ng pagiging magalang
Ito ay isang paraan ng pagbigay respeto sa ibang tao.
Dahil isa itong paraan ng pagmamalasakit sa kapuwa.
Nagpapakita ito ng paggawa ng mabuti sa kapuwa.
Ang pagiging magalang ay nagpapakita ng pagiging isang mabuting tao.
Isa rin itong pagbibigay ng halaga sa isang tao.
Isa rin itong pagpapakita ng pagmamahal sa ibang tao.
Isa itong pagpapakita ng respeto at paggalang sa mga nakatatanda.
Para sa karagdagan pang kaalaman, magtungo sa mga link na:
Bakit mahalaga ang paggalang o respeto: brainly.ph/question/579669
Halimbawa ng Pagkamit ng Respeto sa Sarili at Respeto ng Ibang tao. brainly.ph/question/1586585
Kahulugan ng salitang Paggalang: brainly.ph/question/978788; brainly.ph/question/898057
Mga Halimbawa ng Paggalang: brainly.ph/question/1150474
#LetsStudy
