Ano ang Intercropping?
Ang intercropping ay ang pagpapalaki ng dalawa o higit pang mga pananim nang sabay-sabay sa parehong lugar ng lupain. Ito ay isinasagawa lalo na sa tropikal na mga rehiyon. Ang pagtaas ng produksiyon ng ani ay isa sa pinakamahalaga at madalas na nababanggit na benepisyo ng intercropping
Ano ang mga Kahalagahan ng Intercropping?
Malaking Ani, Malaking Kita - ang intercropping ay makatutulong sa mga magsasaka na magamit ang parehong lupa na magbunga nang higit pa sa isang ani. Nagdudulot ito ng mas maraming kita para sa magsasaka at hindi nangangailangan ng malaking gastos sapagkat ang magagamit na lupa ay mananatiling pareho.
Kasiguraduhan laban sa banta ng masamang panahon - ang intercropping ay makapagbibigay ng kasiguraduhan sa mga magsasaka lalo na kung mayroong banta na sama ng panahon. Ang pagkakaroon ng magkakaibang mga pananim ay nagbibigay pag-asa sa magsasaka na magkaroon ng ilang kita kahit na ang pangunahing ani ay napinsala o hindi nagbunga batay sa kung ano ang inaasahan.
Ang mga intercrops ay nagbibigay ng lilim at suporta sa iba pang mga pananim.
Kinokontrol ang mga damo.
