Napakahalaga sa Kulturang Pilipino ang edukasyon. Isang sangkap upang mapagtagumpayan ang edusyon ay ang mga wikang pagtututo o wikang ginagamit sa pagtuturo.
Sa mga dalubwika, ang wikang panturo ay (mga) wikang ginagamit o itinatalaga ng pamahalaan para sa edukasyon. Ang Wikang Panturo ay ang mga ginagagamit ng mga guro, mga administrador at mag -aaral sa Paaralan.
MAHALAGANG SANGKAP NG WIKANG PANTURO
Ayon sa Komisyon sa Wikang Filipino (KWF), ang wikang panturo ay opisyal na (mga) wikang ginagamit sa pagtuturo at pag-aaral sa loob ng pormal na sistemang pang-edukasyon.
Ang mga sumusunod ay ang mga mahahalagang sangkap sa pagtuturo
1. Pamahalaan /Opisyal – Mahalaga na ang wikang gagamitin sa pagtuturo ay mandato mula sa pamahalaan.
2. Sistemang pang-edukasyon – ang wikang panturo ay nakasentro lamang sa sistemang pang-edukasyon. May pagkakataon na iba ang ang wikang panturo sa wikang pambansa (kaso ng India at Canada).
3. Kaalaman at/o Pagkatuto–Dapat ito ay naglalayung pagpapalalim at pagpapalawak ng pagkakaroon ng kakayahan ng mga mag-aaral na matutuhan ang mahahalagang asignatura.
ANG MGA SUMUSUNOD AY ANG MGA WIKANG GINAGAMIT SA PAGTUTURO SA PILIPINAS SA KASALUKUYAN
Ang Mother Tongue-Based Multilingual Education o MTBMLE ay naglalayong gamitin ang unang wika ng mag-aaral sa pag-aaral sa lahat ng asignatura mula Grade 1 hanggang Grade 3, maliban sa Filipino at English.
