Kahulugan at Halimbawa ng Parirala
Ang lipon o grupo ng mga salita na hindi nagsasaad ng isang buong diwa ay tinatawag na parirala. Ito ay nagsisimula sa maliit na tiktik at hindi gumagamit ng bantas. Ito ang bumubuo sa pangungusap. Narito ang ilang halimbawa:
sa Linggo
malapit ng dumating
nagluto ng adobo
si Roger
namasyal sa parke
ang pamilya
Karagdagang halimbawa ng parirala:
brainly.ph/question/753594
Ano ang pangungusap?
Ang lipon o grupo ng mga salita na nagsasaad naman ng isang buong diwa ay tinatawag na pangungusap. Bukod sa may buo itong diwa, ito ay kaiba sa parirala dahil nagsisimula ito sa malaking titik. Gumagamit din ito ng bantas sa dulo nito. Ito ay maaaring pasalaysay, patanong, pautos o padamdam. Narito ang ilang halimbawa:
Darating sina Karina at Lesley sa Linggo.
Malapit ng dumating ang binili naming pagkain.
Nagluto ng adobo si nanay para sa aking mga kaibigan.
Si Roger ay isa sa mga magaling na manlalaro.
Maraming tao ang namasyal sa parke noong nakaraang Sabado.