Ito si Bernard Dela Cruz. Hindi siya nawawala sa Top 10 ng kanilang klase, Sa kabila ng kahirapan ay masigasig siya sa kaniyang pag-aaral. Malayo man ang kaniyang tirahan sa pinapasukang paaralan ay hindi iyon dahilan upang lumiban siya sa klase. Madaling araw pa lamang ay nagsisimula nang maglakad si Bernard upang hindi siya mahuli sa kanilang klase, Ganito ang gawain ni Bernard, umulan man o umaraw. Mallit lamang ang kinikita ng mga magulang ni Bernard. Apat silang magkakapatid na itinataguyod ng mga ito. Para makatulong sa gastusin sa bahay ay tumutulong sl Bernard sa paglalako ng nilupak pagkatapos ng kaniyang klase. Nabansagan si Bernard sa kanilang barangay na Boy Nilupak dahil sa kaniyang paninda. Inihihiyaw kasi ni Bernard ang kaniyang paninda na nakalagay pa sa bilao. Kapag nakikita siya ng kaniyang mga kakilala ay kinakantiyawan siya ng mga ito. Pero nakikitawa na lang si Bernard at hindi niya ito dinaramdam. Ang mahalaga ay nakatutulong siya sa kaniyang mga magulang.
1.Ano ano ang mga natatanging pag-uugaling mayroon si bernard?
2.Paano naipakita ni Bernard ang katatagan ng kaniyang loob sa kabila ng katayuan sa buhay?
