Answer:
Ang isang mag-aaral ay isang kasapi ng lipunan. Sila ay isang simpleng mamamayang nag-aaral para makatuklas ng mga bagong kaalaman na gagamitin nila sa hinaharap. Sa paaralan nahuhubog ang kanilang mga kaalaman at kakayahan, nahuhulma ang mga magagandang kaugalian at dito pinayayabong nila ang kanilang mga abilidad upang maging handa sa mga pagsubok sa pagharap sa realidad ng buhay upang maipakita at maisabuhay ang pagiging isang aktibong mamamayan ng lipunan.
Mga paraan upang maipakita ang pagiging isang aktibong mamamayan ng isang mag-aaral:
Pag-aaral ng mabuti upang maging handa sa hinaharap, upang pagdating ng panahon ay makatulong upang mapaunlad ang bansa.
Pagsunod sa mga batasat patakaran na ipinaguutos at ipinatutupad ng pamahalaan.
Pagtulong sa mga taong nangangailangan kahit na sa simple at maliit na pamamaraan.
Pagbibigay galang at malasakit sa kapwa.
Pagsasabuhay ng pagiging nasyonalismo.
Maging matatag sa mga hamong ibinibigay ng mapagsamantalang lipunan tungo sa pagkamit ng mga mithiin at mga pangarap sa buhay.
Pagsunod sa mga kagustuhan ng magulang sapagkat ang lahat ng kanilang sinasabi ay tama at kapakanan lang ng kanilang anak ang kanilang iniisip upang pagdating ng araw maging gabay nila ang mga natutunan mula sa kanilang mga magulang upang makatulong sa mga posibleng maging problema ng lipunan.
Alamin at isabuhay ang mga tungkulin at karapatan bilang isang kasapi ng lipunan.
Maayos na paggamit ng pinagkukunang yaman. Sa pamamagitan ng pagtatanim ng mga halaman at puno, pagtulong sa mga gawaing makapagpapaayos at makapagpapaganda ng kapaligiran at kalikasang makakatulong upang maging maayos ang lipunang ginagawalan.
Bilang isang mag-aaral, nararapat na maging isang aktibong mamamayan upang maipakita ang pagmamahal sa bayan kahit na sa simple at maliit na pamamaraan. Ayon nga sa kasabihan, "ang mga kabataan ang pag-asa ng bayan" dahil maaring sila ang magpabago at magpaunlad sa lipunan. Ang mga kabataan ang maaring mamuno sa lipunan sa hinaharap, sila ang posibleng magpapatuloy ng mga nasimulan tungo sa pagpapaunlad ng ating lipunan.
Explanation:
Sana po makatulong <3
#lets_study
pa brainliest po pag tama
