Answer:
BUOD NG IBONG ADARNA
- Ang Berbanya ay isang mayamang kaharian kung saan ay sagana, tahimik at payapa ang pamumuhay ng mga tao roon. Madalas na may piging at pagdiriwang na nagaganap sa kahariang ito sapagkat parehong masayahin ang hari at reyna, ito ay sina haring Fernando at reyna Valeriana. Sila ay mayroong tatlong anak na lalaki na pawang may kakayahang magmana ng trono. Sila ay sina Don Pedro, Don Diego, at Don Juan.
- Dinapuan ng malubhang sakit ang hari dulot ng isang masamang panaginip. Nakita niya sa panaginip na pinatay si Don Juan. Dumating ang isang medikong paham na nakapagsabing ang awit ng ibong Adarna ang tanging lunas sa sakit ng hari. Ito ay matatagpuan sa bundok Tabor at nakadapo sa puno ng Piedras Platas.
- Naunang naglakbay si Don Pedro subalit hindi siya naging matagumpay sa paghuli sa ibong Adarna sapagkat siya naging bato. Sinundan ito ni Don Diego subalit katulad kay Don Pedro ay naging bato rin siya. At ang huling umalis at naglakbay ay si Don Pedro. Hindi siya gumamit ng kabayo sa kaniyang paglalakbay. Naging matagumpay siya sa paghuli ng ibong Adarna.
- Pinabantay ng hari sa tatlong magkakapatid ang ibong Adarna ngunit pinuyat ng dalawa si Don Juan at pinakawalan nila ito. Pinahanap ng hari ang ibon. Nagkita-kita ang magkakapatid sa bundok ng Armenya. May nakita silang balon, bumaba si Don Juan at dito na nakilala ang magkakapatid na Donya Juana at Donya Leonora. Isang higante ang nagbabantay kay Donya Juana at isang serpiyente naman ang nagbabantay kay Donya Leonora. Sila ay umalis ng balon. Naalala ni Donya Leonora na naiwan niya ang singsing na pamana ng kaniyang ina kung kaya bumaba muli sa balon si Don Juan upang kunin ang singsing. Pinutol naman ni Don Pedro ang tali sa balon kaya nahulog si Don Juan. Pinasundan ni Donya Leonora sa kaniyang mahiwagang lobo si Don Juan. Nangako naman si Don Pedro na gagawin niyang reyna si Donya Leonora.
- Bumalik sa dating lakas si Don Juan sa tulong ng lobo. Kinalimutan na niya si Donya Leonora at naglakbay patungong Reyno delos Cristales upang makita at makilala si Donya Maria Blanca. Inabot siya ng tatlong taon sa paglalakbay. Sumakay si Don Juan sa agila ng isang ermitanyong tumulong sa kaniya. Naliligo si Maria Blanca nang makita siya ni Don Juan at kinuha ang damit ng dalaga. Humingi ng tawad ang binata, at sa unang pagkikita ay parehong inibig nila ang isa’t isa.
- Binigyan ng maraming pagsubok ng ama ni Maria Blanca na si Haring Salermo si Don Juan. At napagtagumpayan naman ni Don Juan sa tulong ng mahika ni Maria Blanca. Nagpakasal sina Don Juan at Maria Blanca gayundin sina Don Pedro at Donya Leonora. Muling bumalik ang dating sigla ng kaharian. Gumaling na rin si haring Fernando. Bumalik sina Don Juan at Donya Maria Blanca sa Reyno delos Cristales at namuno. Sina Don Pedro at Donya Leonora naman ang naging bagong hari at reyna ng kaharian ng Berbanya.
Ano ang ibong adarna
brainly.ph/question/2083104
Mga tauhan ng ibong adarna
brainly.ph/question/2561385
brainly.ph/question/2564277
Explanation:
