Bilang kabataan, apektado ako sa mga suliraning pangkapaligiran dahil ako ay naninirahan sa mundo kung saan ang kalikasan ang nasa aking paligid. Naaapektuhan ako ng mga suliraning pangkapaligirang ito dahil ako ay isang taong nilalang ng Diyos at bahagi ako ng kapaligiran.
Nakakaapekto ito sa mga pinagkukunang-yaman dahil ang mga suliraning pangkapaligirang ito ay konektado sa mga yamang nakukuha natin sa kalikasan. Ang kalikasan ang rason kung bakit may yaman tayong napagkukunan habang ang mga suliraning pangkapaligiran ang nakakaapekto nito.
Ang aking gagawin upang makatulong sa aking komunidad ay mag-aral nang mabuti tungkol sa aking bansa at mga pinagkukunang-yaman. Pag-aaralan ko nang mabuti ang mga paraan sa pag-iingat sa mga pinagkukunang-yaman at sa kalikasan upang sa hinaharap ay makilahok ako sa mga programang naglalayong mapangalagaan ang kalikasan.
