Answer:
Ano ang pagkakaiba at pagkakatulad ng demokrasya at komunismo?
Ang demokrasya ay isang uri ng pamahalaang inilukluk ng taumbayan. Ang kapangyarihan ng lider pulitikal ay mula sa malayang pagpili ng sambahayan sa pamamagitan ng pagboto.
Kilala ang Pilipinas sa nagsasabuhay sa uri ng pamahalaang demokrasya. Samantala, ang komunismo ay pamahalaang ang kapangyarihan ay nasa tao. Lahat ng pag-aari ng estado ay nasa tao ang pagkontrol.
Sa kabuuan ang demokrasya at komunismo ay mga uri ng pamahalaang naghahangad ng kaunlaran sa pagitan ng taong bayan at ng estado.
Hangarin ng parehong uri ng pamahalaan na palakasin ang kanilang pulitikal, ekonomiya, pananalapi,maging ang kalakalang panlabas at industriya sa istilo ng kanilang pamumuno.
Tingnan ang ilan sa mga katotohanan mula sa magkaibang pananaw sa uri ng pamahalaan sa pagitan ng demokrasya at komunismo.
Demokrasya
• Malayang makakapamili ang mamamayan sa paglulukluk ng kinatawan sa pamahalaan
• Malaya sa pamamahayag at pag-oorganisa
• Malaya sa pagnenegosyo at kumita ng naayon sa karapatang pantao sa ilalim ng demokrasyang
batas
Komunismo
• Walang karapatang mamuno ang isang mamamayan sa pamahalaan
• Ang pamamahayag at pag-oorganisa ay masidhing isyu na nagdudulot ng paglabag sa patakaran
• Ang anumang gamit, produksiyon at paggawa ay nasa kabuuang pagkontrol ng mamamayan.
Tingnan ang ilan sa mga katotohanan mula sa magkatulad na pananaw sa uri ng pamahalaan sa pagitan ng demokrasya at komunismo.
Demokrasya
• Pagpapahalaga sa due process o kinikilalang proseso o pamamaraan para sa indibidwal
• Mataas na antas ng edukasyon at kamulatan ng mamamayan
• May katarungang panlipunan
Komunismo
• Pinahahalagahan ang kapakanan ng masa
• May sapat na edukasyon at kamalayan sa pagpapaunlad ng estado
• Pagkakapantay-pantay ng bawat mamamayan sa lahat ng aspeto at ari-arian ng estado.
