Panuto: Salungguhitan ang pang-uri sa talata. Sa ibabaw ng sinalungguhitang salita ay isulat ang P kung ito ay payak, M kung maylapi, T kung tambalan at I kung inuulit. Gawin sa malinis na papel.
Ang ating bansa ay nagkaroon ng iba’t-ibang pangulo. Sila ang mga naging lider sa mga gawaing mabubuti at kahanga-hanga. Isa sa mga hangarin ng mga naging pinuno ng bansa ay tulungan ang mga kapuspalad at anak-pawis na mga mamamayan. Ang ganap na pagbabago at wagas na kaayusan ng bansa ay hinahangad din nila. Subalit ang mga magaganda nilang hangarin ay mauuwi sa wala kung tamad at walang malasakit ang kanilang nasasakupan kaya nararapat lamang na maging matulungin at responsable ang lahat.
