Answer:
Mataas na demand kasabay ng lockdown at mainit na panahon ang itinuturong dahilan ng Maynilad at Meralco sa kawalan ng kuryente at suplay ng tubig sa mga nakalipas na dalawang araw.
Simula alas-4 ng hapon ng Huwebes hanggang umaga ng Biyernes nagkaroon ng water service interruption ang Maynilad.
"Ito po ay in response to the fact na mabilis ang pagbaba ng ating stored water sa reservoirs dahil sa init ng panahon napalakas ang demand for water at this time," ani Jennifer Rufo, Head of Corporate Communications ng Maynilad.
"Bukod sa mainit ng panahon, mas marami ring nangangailangan ng tubig sa ngayon because of the need to sanitize,” dagdag niya.
Karamihan ng mga residente sa Metro Manila ngayon ay naka-lockdown dala ng banta sa coronavirus disease 2019 (COVID-19).
Humingi na ng paumanhin ang Maynilad sa mga apektadong customer na nawalan ng tubig o nakaranas ng mahinang pressure bago pa man makatanggap ng anunsiyo sa kanila.
“We did issue SMS advisories doon sa mga customers. Yung iba na-warn naman kahit papaano pero kasi whenever stored water in reservoirs, medyo mabilis ang impact niya sa customers, meaning the moment it reaches a certain level, even if we issue an SMS prior, yung ibang customers ramdam na yung low pressure before they receive the warning,” ani Rufo.
Nangako ang Maynilad na sisikapin nilang huwag nang maulit ang water interruption.
Pero paalala nila, asahan pa umano ang mahinang water pressure kapag gabi para mapuno ang mga reservoir hanggang umaga para mapunan ang malaking demand sa tubig sa bawat araw.
Explanation:pa brainlist po pa heart narin po
