Gaya ng iba pang organo sa ating katawan, may mahalagang tungkulin ang ating atay sa pagpapanatili ng ating kalusugan.
Ito ang pinakamalaking organo sa ating katawan, at ito ang nagsasala ng mga nakakalasong toxin mula sa ating dugo upang hindi na ito dumaloy sa iba't ibang bahagi ng katawan.
Sa paglipas ng panahon, unti-unting nasisira ang ating atay, anuman ang ating ginagawa para mapangalagaan ito, gaya ng ibang bagay. Maraming paraan para mapabagal ang pagkasira nito, ngunit may mga pagkakataon kung saan mas mabilis ang pagkasira ng atay ng isang tao kumpara sa iba.
Kapag hindi inintindi, maaari itong humantong sa sakit sa atay. Narito ang mga sumusunod na sintomas ng pagkakaroon ng sakit sa atay:
- Paninilaw ng balat
- Pananakit ng tiyan
- Pagbabago sa dalas at dami ng pag-ihi
- Pagbabago sa kulay ng ihi
- Pagbabago sa kulay ng dumi
- Pagkakaroon ng dugo sa dumi
- Pamamaga o pagkamanas ng mga paa o binti
- Pagkapagod
- Pangangapos ng hininga
- Mabilis na pagkakaroon ng mga pasa
Kung mayroon ka ng isa sa mga sintomas na ito, huwag agad ipagpalagay na may problema ka sa iyong atay. Agad na kumonsulta sa doktor tungkol sa mga nararamdaman mo upang maayos at mahusay na matugunan ang iyong mga alalahanin.
Para sa higit pang impormasyon tungkol sa atay, bumisita sa:
brainly.ph/question/11372363
brainly.ph/question/6269219
#SPJ2
