Tuklasin Mo
Panuto: Basahin ang tula.
Pilipinas: Paunlad nang Paunlad
Pilipinas ngayo'y paunlad nang paunlad
Dahil kabuhayan ay lumalaganap;
Daming pagbabago dito'y nagaganap
Kaya't ang biyaya'y heto isang iglap.
Pabrika't tanggapan ay nagsusulputan,
Di na suliranin, paghahanap-buhay:
Ang mall, supermarket, laganap saan man
MRT, skyway sa trapiko'y hadlang.
Ang likas na yaman ay binabantayan,
Pinalalaganap at pinagyayaman;
Pagputol ng puno ay pinagbabawal,
Polusyong laganap ay hinahadlangan.
KO CINIT
Larangang pang-agham at pangteknolohiya,
Ang imbensyong Pinoy sa mundo'y kilala na
At sa ating bayan ay makikita na,
Kompyuter, internet, cable at iba pa.
Turismo sa bansa'y nangunguna lagi,
Magagandang lugar ay ipinagbubunyi;
Balik-baya't dayuhan ay namamalagi
Kaya't ang kapalit, dolyar na salapi.
Kaya't pagdating ng marami pang taon,
Sa mapa ng mundo, paningi'y ituon;
Pilipinas na dati'y isla lamang noon,
Maunlad na bansa sa habang panahon.
Magugulong lugar, ngayo'y tahimik na
Pagkat maliwanag bawat iskinita;
Batas ng mayama't dukha ay pantay na,
Laya't katarungan ngayo'y nadarama.
Sagutin ang mga katanungan Isulat ang sagot sa notebook.
1. Tungkol saan ang tula? Anong uri ng tula ito?
2. Anu-anong pagbabago ang nagagaganap sa paligid?
3. Anu-ano ang hadlang sa trapiko?
4. Kung may dayuhang kakilala ang pamilya ninyo, paano mo ilarawan ang bansang Pilipinas?​